Uppskotið um útbygging av Alvalon er sprottið úr ynskinum um, at virða verandi og um somu tíð, skapa ein bygning, ið er ein víðari menning av verandi barnagarði. Yvirskipaða sniðið á nýggja bygninginum, er ein lon við reising og tveimum tvørliggjandi lonum. Bygningurin er skipaður við tveimum hæddum, einari miðhædd og partvíst innrættaðum lofti. Bygningurin fellur væl í lendi og væl saman við verandi bygningi, har snið og tilfarsvæl stimbra undir at bygningarnir fella væl saman og sýnast at hoyra til hvønn annan.