ZETA arkitektar hava fingið til uppgávu at tekna nýggju Havnará í hjartanum í Havn.

Uppgávan fevnir um at gera eina nýggja og nútímans á frá býarrúminum í millum umsitingarbygningin hjá Løgtinginum og Betri banka til vegamótið, har Tinghúsvegurin møtir Áarvegnum.

Uppskotið vísir á eina loysn í trimum stigum, har ein nýggj á verður løgt omaná verandi innilokaðu Havnará. Nýggja áin rennur í gjøgnum ymisk býarrúm, og tillagar seg til umstøðurnar við at broyta dám og eginleikar – til tíðir er áin lyft upp úr gøtuni, aðrastaðni flýtur hon saman við gøtuni, og aftur aðrastaðni grevur hon seg niður í gøtuna. Verkætlanin er erlig, einkul og vøkur føroysk.