ZETA arkitektar hava gjørt kappingaruppskot til útbygging av Tekniska Skúla í Klaksvík.

Verandi umstøður á Tekniska Skúla í Klaksvík skulu dagførast og betrast. Umframt dagføringar av verandi umstøðum, skal útbygging gerast. Nýggi bygningurin skal staðsetast norðanfyri verandi bygning.

Sniðið á útbygninginum kann leiða tankarnar til ymisk evni – fjøllini á Klaksvík, havið, tað bókliga ella kanska bara snið og linjur á rennibreytini vestanfyri bygningin. Sniðið er einkult og eyðkenniligt og kann vera styrkjandi um samleika skúlans.